Question 1

可唔可以教我點樣訂閱水哥？

Accepted Answer

(1)點擊本網頁的「試玩十四日」按鈕 (2)你會被定向至付款界面 (3)填上你的個人資料（放心，試玩十四天時並不會在你的信用卡中索取任何費用） (4)按下「開始試用」按鈕 (5)開始與水哥展開激情對話！

Question 2

我可唔可以幫朋友訂閱水哥？

Accepted Answer

當然可以啦！只要你已經訂閲緊水哥，就可以喺「訂閱」呢個頁面撳「幫朋友畀埋」，幫你嘅朋友訂閲。之後，你就會收到一個有訂閲碼嘅email。將呢個訂閲碼畀你嘅好朋友就得㗎喇！

Question 3

我想取消訂閲

Accepted Answer

好可惜啊！點解你會想取消訂閲嘅？方便嘅話你可以send email畀 helpme@suigor.hk 同我哋分享吓，等我哋都可以做好啲！不過如果你真係諗清楚想取消訂閲嘅話，去「訂閱」嗰度撳「唔再訂閲」就ok啦。 如果你而家係subscribe緊我哋嘅14日免費試用期嘅話，你會喺免費試用期過咗一半之後（7日之後）見到「唔再訂閲」嗰個掣。

Question 4

我唔記得左Facebook密碼，可唔可以將水哥資料轉去第二個 Facebook messenger帳戶？

Accepted Answer

Send個email聯絡我哋吖 helpme@suigor.hk。

Question 5

點樣入數？

Accepted Answer

1. 語音入數 你可以打開電話嘅語音，直接講使咗乜同埋使咗幾錢就得㗎啦！例如講「下午茶50蚊」。   2. 一次過入好多條數得唔得？ 當然得啦！你可以喺入數嘅時候分行輸入你使咗乜同埋使咗幾錢。記住每行淨係入一樣嘢啵。   3. 網頁版入數 無論你用手機定係電腦，只要你開到水哥嘅Facebook Messenger就可以入數㗎。

Question 6

點解仲要入數，而唔係銀行自動入數？

Accepted Answer

1. 培養理財習慣，充分了解自己嘅使費習慣   2. 個人資料私隱

Question 7

點樣培養寫「消費日記」嘅習慣？

Accepted Answer

水哥每日8am同埋10pm都會提醒你入數㗎。不過當然都需要你自己身體力行，主動記錄你嘅使費啦！

Question 8

點解過咗凌晨之後入數會入咗去前一日嘅？

Accepted Answer

水哥都同大家一樣咁夜瞓㗎！根據我哋嘅夜貓觀察，好多用家都係凌晨返到屋企之後入數，但係入緊嘅數其實係前嗰日嘅。既然係咁，水哥就幫你自動將凌晨5點前嘅使費紀錄返喺前一日囉～

Question 9

點樣分類？

Accepted Answer

1. 水哥會幫你將啲常見字眼自動分類 水哥會幫你將一啲常見嘅字眼自動分類，等我哋喺下面舉幾個例子啦！ - 早餐、午餐、晚餐 → meal - 巴士、地鐵 → transportation   2. 你可以自由選擇字眼嘅分類 雖然有啲字眼係水哥幫你分好類，但係你都可以為自己嘅字眼分類㗎！你可以喺「消費日記」透過兩個途徑自己設定字眼嘅分類： 1. 「未分類」 每當有新嘅字眼，水哥會將佢哋放喺「未分類」入面。只要你喺「自動分類為」嗰度入返已經存在或者新嘅分類，水哥以後就會幫你分返類。 2. 「我嘅分類」 你可以喺「我嘅分類」入面揀你想新增字眼嘅分類，撳開個分類之後就會見到「+加新嘅字眼」呢個制。撳落去之後就可以輸入返你想加嘅字眼喇！

Question 10

點樣分類？

Accepted Answer

1. 水哥會幫你將啲常見字眼自動分類 水哥會幫你將一啲常見嘅字眼自動分類，等我哋喺下面舉幾個例子啦！ - 早餐、午餐、晚餐 → meal - 巴士、地鐵 → transportation   2. 你可以自由選擇字眼嘅分類 雖然有啲字眼係水哥幫你分好類，但係你都可以為自己嘅字眼分類㗎！你可以喺「消費日記」透過兩個途徑自己設定字眼嘅分類： 1. 「未分類」 每當有新嘅字眼，水哥會將佢哋放喺「未分類」入面。只要你喺「自動分類為」嗰度入返已經存在或者新嘅分類，水哥以後就會幫你分返類。 2. 「我嘅分類」 你可以喺「我嘅分類」入面揀你想新增字眼嘅分類，撳開個分類之後就會見到「+加新嘅字眼」呢個制。撳落去之後就可以輸入返你想加嘅字眼喇！

Question 11

點樣分必須/娛樂使費？

Accepted Answer

1. 必須/娛樂使費係乜？ 水哥將所有使費分咗做必須使費同埋娛樂使費兩種：  必須使費：一定會或者一定要使嘅錢（例如：家用、交通、買餸）  娛樂使費：可使可不使嘅錢（例如：同朋友食飯、買新iPhone）   2. 水哥會幫你將啲常見嘅必須/娛樂使費字眼自動分類 水哥會幫你將一啲常見嘅字眼自動分類，等我哋喺下面舉幾個例子啦！ 早餐、午餐、晚餐 → meal  巴士、地鐵 → transportation   3. 點樣更改必須/娛樂使費嘅分類？ 雖然水哥會將一啲常見嘅字眼自動分類，但係你都可以隨時變換你嘅字眼嘅必須或者娛樂使費屬性㗎！  1. 首先，你要喺「消費日記」入面撳開「我嘅分類」，你會見到好多唔同嘅分類。 2. 跟住，你可以撳入去你想更改使費屬性嗰個分類（例如：交通）。 3. 撳開咗之後，你會留意到每個字眼左邊都會有個toggle。撳一下就可以將字眼嘅屬性由必須同埋娛樂之間自由切換㗎啦！

Question 12

點樣睇到自己有咩分類？

Accepted Answer

你喺「消費日記」入面撳開`我嘅分類`就會睇到你所有嘅分類㗎啦！

Question 13

點解有啲字眼明明係「必須使費」，但係最後去咗去「娛樂使費」？

Accepted Answer

係正常嘅！因為水哥嘅分類邏輯係「寧錯過不放過」！我哋唔想大家以為自己嘅使費全部都係必須使費，跟住就繼續保持現有嘅使費習慣！ 我哋假設一吓如果水哥將呢類字眼分去必須使費嘅話，咁你咪會以爲呢個使費係冇得慳？但係呢個明明係一個可以唔使，可以慳嘅使費喎。所以呢，水哥將多字字眼分去娛樂使費係有道理㗎！ 當多字字眼入面有必須同埋娛樂兩種字眼嘅時候，水哥會將成個字眼優先分去娛樂使費。

Question 14

點解有時冇提醒我嘅？

Accepted Answer

Facebook有一個提防打擾policy，如果你超過24小時冇同水哥傾偈，我哋就唔可以再打擾你。所以如果你想繼續收到我哋嘅提示，你就要每日都同水哥傾吓計啦。

Question 15

我可唔可以唔要提示？

Accepted Answer

Facebook有一個提防打擾policy，如果你超過24小時冇同水哥傾偈，我哋就唔可以再打擾你。

Question 16

「計劃」入面究竟有啲乜？

Accepted Answer

首先呢要恭喜！ 因為「計劃」呢一個page係比較複雜嘅。既然你問得嘅、需要用到嘅，就啫係話你已經開始成為理財小expert！ 下面由我哋介紹吓「計劃」入面嘅圖表究竟係乜啦 「計劃」分成兩部分，幫你分別可以根據「今個月」同埋「今年」做吓一啲使費計劃。每個部分都有再細分其他功能出嚟㗎！

Question 17

想買嘢！但係好懶唔想撳入去「計劃」啵...

Accepted Answer

除咗喺「計劃」入面嘅Wishlist輸入你想買嘅嘢之外，你都可以喺對話框嗰度直接同水哥講你想買乜㗎！ 例如「我想買iPhone 7800」。水哥會識幫你直接加入去「計劃」內嘅Wishlist㗎～又或者，你可以同水哥講「我想買嘢」，跟住就會有入Wishlist嘅捷徑俾你撳，直接跳入去「計劃」喇！

Question 18

水哥話點work㗎？佢會同我講啲乜㗎？

Accepted Answer

水哥話（SuiGor Says）係一個俾你可以同水哥互動對答同埋傾偈嘅功能。水哥話利用你自己輸入嘅使費數據，問你一啲關於你使費習慣同埋分類嘅小問題。 順帶一提，水哥話嘅小問題會一直update㗎，所以記得得閒就搵水哥玩玩啦！

Question 19

點樣可以用呢個功能呢？

Accepted Answer

你有兩個方法可以令水哥同你傾偈： 1.直接同水哥講「水哥話」或者「SuiGor Says」，水哥就會開始同你傾偈㗎啦！ 2.撳吓常駐喺水哥對話框嘅「水哥話」嗰個制。

Question 20

點樣知道今個月使咗幾多錢？

Accepted Answer

你有三個方法睇到今個月使咗幾錢： 1.去「睇圖」，水哥會喺總使費幫你計好今個月嘅洗費用咗幾多 2.直接問水哥「今個月」或者「this month」，水哥會同你喺對話框講返今個月使費嘅重點數據  3.撳吓常駐喺水哥對話框嘅「今個月」嗰個制

Question 21

想知道某年某日使咗幾錢？

Accepted Answer

你可以直接問水哥你想知道嗰個日子使咗幾多錢㗎！例如：「8月30日」、「30 Aug」、「今日」、「Today」等等。

Question 22

點樣可以睇到所有過往嘅使費？或者某一個字眼嘅所有使費？

Accepted Answer

只要你喺「睇圖」碌到下面，就會見到有過往消費紀錄嘅部分。撳入去就會見到所有過往嘅使費㗎啦！ 如果你想知道某一個字眼使咗幾多，你可以喺「睇圖」頂部嘅search bar揀返或者輸入返相對應嘅字眼就ok㗎啦！

Question 23

如果我發現系統出現問題可以點樣回報問題？

Accepted Answer

你可以「搵水哥真人」，會有專人解答你既問題。

Question 24

「我既成就」有乜野作用？

Accepted Answer

我們將會推出「我既成就」以積分換取獎賞計畫，敬請期待！

香港薄扶林數碼港道100號數碼港3座5樓 (F區) 企業發展中心4號室

銅鑼灣新寧道1號,
Lee Garden Three, 4/F