「五三二」預算法則——有效分配生活使費


之前同大家分享過「三三三」儲錢大法,將三分一用嚟做日常生活使費;三分一用嚟做儲蓄;剩低嘅三分一嚟做家用。除咗「三三三」儲錢大法之外,理財新手都可以試一下「五三二」預算法則,有效控制自己嘅日常生活使費。

介紹呢個法則之前,大家首先要識分自己嘅使費係咩類型:必須 + 娛樂。

「必須」使費包括咗啲「一定要使嘅嘢」,例如交稅、坐車、食飯等。而「娛樂」使費就係一啲「非必要消費」,例如同friend食好西、旅行、唱K等。

而「五三二」就係教大家要將預算分成3部分。「必須」佔五成、「娛樂」佔三成,而剩底兩成就係「儲蓄」。例如我今個月有$100預算,咁「五三二」法則之下,我個必須、娛樂同埋儲蓄金額就會分別係$50、$30同埋$20。

當然,大家嘅「必須」同埋「娛樂」使費分類都可以好唔一樣。例如小編我會當旅行係必須使費咁啦(如果去到旅行嘅話...)大家如果想儲錢儲得有效率啲,記得cut預算嘅時候要cut「娛樂」使費啊!

小編之前有講到過,坊間有好多五花八門嘅儲錢方法。我哋要根據自己嘅實際情況同埋使費預算,從小目標開始,養成儲錢嘅習慣。

偷偷話你知:水哥可以幫你變成理財達人㗎!即日起只要成功登記訂閱水哥,就可以自動享有14日免費試用,體驗水哥「廣東話 x AI」嘅簡易記賬流程。快啲同水哥一齊,早日達成自己嘅理財目標啦!

最新文章

根據 Business Insider 嘅一篇文章,MBTI可以反映一個人嘅搵錢能力!排名第一嘅係ENTJ,而排最後嘅係INFP。雖然話十六型人格嘅搵錢能力排名有先後之分,但係每個人格都有佢哋獨特既優點同魅力。同埋排名只係按平均數值計算,可能你會係遠高於平均數值嘅果個人呢!😉