【十二星座理財小貼士(下)】


雖然星相命理呢啲咁玄妙嘅嘢好似無乜科學根據,但係有時又好似幾準㗎喎🧐今次水哥就同大家睇下究竟十二星座同理財哲學有咩關係,同埋有啲咩理財小貼士適合唔同星座嘅大家🤩唔知睇緊呢個post嘅你又係乜嘢星座嘅呢?快啲嚟搵下啱自己嘅理財方法啦!


巨蟹座(6月22日 - 7月22日)

巨蟹座多數都係和平主義者,與世無爭嘅佢哋唔鍾意計較太多錢銀上嘅嘢,以致喺理財方面比較「耳仔軟」,容易聽曬人地講而無咗自己嘅主見。不過唔使驚~水哥可以幫你記錄同預測平時嘅洗費,等你可以清楚知道自己仲有幾多預算,理財大計真正由自己話事😆咁咪唔駛怕畀人「伏」囉!


獅子座(3月23日 - 8月22日)

獅子座係天生嘅霸道王者,好勝心同自尊心都非常之強,而理財方面就當然不容有失啦。但呢種執著嘅性格會令獅子座喺面對理財失誤嘅時候鑽牛角尖,為咗保住面子而唔聽人地嘅意見。其實有時承認錯誤轉個方法並唔代表「認衰仔」,人就係要從錯誤中學習㗎嘛!得閒睇下水哥有咩理財小貼士比你,仲駛怕理財唔夠人勁咩!😤


處女座(8月23日 - 9月22日)

處女座成日比人形容為「完美主義者」,喺理財方面嘅仔細謹慎簡直無人能及,一定要將每項支出同洗費分得清清楚楚先至安樂。不過單靠自己處理曬成盤數實在太嘥時間同心力啦😵呢個時候搵水哥幫手就啱曬啦,佢可以幫你將每日入咗嘅洗費分門別類,仲會自動砌啲靚靚圖表出嚟話你知你嘅財政狀況,絕對滿足到「腌尖」嘅你!


天秤座(9月23日 - 10月23日)

天秤座嘅朋友通常比人一種悠哉嘅感覺,面對選擇亦都比較優柔寡斷,所以理財嘅時候都會幾佛系,甚少會特登規劃理財,搞到成日都失咗預算。咁究竟有無啲適合懶人嘅理財方法呢?梗係有啦!只要你每次買完嘢send個message畀水哥,水哥就會幫你記低同分析你嘅日常洗費,唔駛靠自己記住條數,係咪好方便呢!🥳


天蠍座(10月24日 - 11月22日)

天蠍座好擅長做長遠打算,而且行動力非常出眾,由儲錢到計劃洗費全部都講得出做得到,所以佢哋可以話係天生嘅理財專家。喺自律而有計劃呢方面,水哥絕對係你嘅最佳拍檔呀!😍只要你每日保持入數嘅習慣,水哥就會幫你將洗費歸類同埋預測未來嘅支出,令你可以更有效咁做好理財,你話係咪好正呢?


射手座(11月23日 - 12月21日)

「不羈放縱愛自由」講緊嘅就係你啦射手座!射手座嘅朋友做咩都鍾意隨心所欲,有時甚至覺得理財好麻煩,限制咗佢哋消費嘅樂趣咁話。雖然自由喺好事,但過分放縱咁樣消費好容易會變「月光族」㗎!如果你想搵個理財專家幫你睇住條數,就不妨考慮下水哥啦~水哥最叻就係分析你嘅日常洗費,有咗佢咪唔怕洗凸囉!☺️


細細聲話你知:無論你係邊個星座,水哥都可以幫你變成理財達人㗎!😉(帶定頭盔先,星座嘅嘢參考下就算啦,準唔準就見仁見智嘅~)


即日起只要成功登記訂閱水哥,就可以自動享有14日免費試用,體驗水哥「廣東話 x AI」嘅簡易記賬流程。



最新文章

根據 Business Insider 嘅一篇文章,MBTI可以反映一個人嘅搵錢能力!排名第一嘅係ENTJ,而排最後嘅係INFP。雖然話十六型人格嘅搵錢能力排名有先後之分,但係每個人格都有佢哋獨特既優點同魅力。同埋排名只係按平均數值計算,可能你會係遠高於平均數值嘅果個人呢!😉