懶人儲錢攻略「三三三儲錢法」


乜嘢係「三三三儲錢法」?顧名思義,就係將收入分成三大份,將三分一用嚟做日常生活使費;三分一用嚟做儲蓄;剩低嘅三分一嚟做家用。預先將支出計清楚,避免入不敷支嘅情況出現。好多大學生開始做嘢果陣,因為唔識分配同埋控制自己嘅使費而變左做月光族。作為理財入門新手,可以從「三三三」開始,慢慢達成自己嘅儲錢目標。

除咗「三三三」之外,坊間有好多五花八門嘅儲錢方法,聽落通通都好似好合理好容易,但做落往往衰喺自己手上。

簡單嚟講,儲唔到錢主要係因為無辦法得到足夠嘅滿足感。

舉例有個人想買樓,用咗「三三三儲錢法」,每個月得三分一人工係儲蓄,三分一係緊急預備金,得返三分一係真係可以使。初頭相信都會好順暢,但除非份人工好高,否則好快就會發現,離儲到首期實在太過遙遠,做做吓就會想「破戒」,破得一次就會有第二第三次,終於一毫子都儲唔到。

其實儲錢同好多事一樣,首先要定一個比較易達成嘅門檻,再逐步逐步加上去,慢慢養成「都唔係咁難啫」嘅心態,以一個又一個成功成為前嘅源動力,日積月累,終於會成功咁養成儲錢嘅習慣。


細細聲話你知:水哥都可以幫你變成理財達人㗎!即日起只要成功登記訂閱水哥,就可以自動享有14日免費試用,體驗水哥「廣東話 x AI」嘅簡易記賬流程。

最新文章

根據 Business Insider 嘅一篇文章,MBTI可以反映一個人嘅搵錢能力!排名第一嘅係ENTJ,而排最後嘅係INFP。雖然話十六型人格嘅搵錢能力排名有先後之分,但係每個人格都有佢哋獨特既優點同魅力。同埋排名只係按平均數值計算,可能你會係遠高於平均數值嘅果個人呢!😉